< > ورلڈکپ؛ کیویز کیخلاف بنگلادیش کی بیٹنگ لائن لڑکھڑا گئی

آئی سی سی ورلڈکپ کے 11ویں میچ میں بنگلادیش نے نیوزی لینڈ کے خلاف 17 اوورز میں 4 وکٹوں کے نقصان پر 78 رنز بنالیے۔چینائی کرکٹ اسٹیڈیم میں کھیلے جارہے میچ میں بنگلادیشی اوپنرز ایک بار پھر ناکام رہے، میچ کی پہلی ہی گیند پر لٹن داس صفر پر پویلین لوٹے جبکہ تنزید حسن 6، مہدی حسن میراز 30 اور نجم الحسن 7 رنز بناکر نمایاں رہے۔نیوزی لینڈ کی جانب سے لوکی فرگوسن نے 2 جبکہ ٹرینٹ بولٹ اور گلین فلپس نے ایک ایک وکٹ حاصل کی۔قبل ازیں نیوزی لینڈ کے کپتان کین ولیمسن نے ٹاس جیت کر پہلے فیلڈنگ کرنے کا فیصلہ کیا، انہوں نے کہا کہ کوشش ہوگی حریف ٹیم کو جلد آؤٹ کرکے ٹورنامنٹ میں مسلسل تیسری فتح حاصل کریں۔اس موقع پر بنگلادیش کے کپتان شکیب الحسن نے کہا کہ کیویز کے خلاف بڑا ٹارگٹ سیٹ کرنا چاہتے ہیں، کوشش ہوگی میچ میں کامیابی سمیٹ کر ٹیم کو فتح کے ٹریک پر لائیں۔

بنگلادیش کا اسکواڈ

کپتان شکیب الحسن، لٹن داس، تنزید حسن، نجم الحسن شانتو، مہیدی حسن میراز، مشفق الرحیم، توحید ہردوئے، مہدی حسن، تسکین احمد، شوریف اسلام، مستفیض الرحمان

نیوزی لینڈ کا اسکواڈ

کپتان کین ولیمسن، ٹام لیتھم، ڈیون کونوے، راچن رویندرا، ڈیرل مچل، گلین فلپس، مارک چیپ مین، جیمی نیشم، مچل سینٹنر، میٹ ہنری اور ٹرینٹ بولٹ شامل ہیں۔