نگران وزیراعظم انوار الحق کاکڑ کا لاہور بزنس فیسیلیٹیشن سینٹر کا دورہ

اسلام آباد (بیورورپورٹ)نگران وزیراعظم انوار الحق کاکڑ کا لاہور بزنس فیسیلیٹیشن سینٹر کا دورہ .دورے میں وزیراعظم کو بزنس فیسیلیٹیشن سینٹر کے مختلف امور اور اب تک کی پیشرفت کے حوالے سے بریفنگ دی گئی .وزیراعظم نے صوبے میں کاروباری برادری کی فلاح و بہبود کے لیے حکومت پنجاب کی زیر قیادت بزنس فیسیلیٹیشن سینٹر کے کردار کو سراہا.اس موقع پر انہوں نے کہا کہ ملک کے باقی شہروں میں لاہور بزنس فیسیلیٹیشن سینٹر کی طرز پر ادارے تعمیر کرنا ملکی معیشت کے لیے سود مند ثابت ہوگا۔کاروباری برادری کو تمام سہولیات فراہم کرنا وفاقی اور صوبائی حکومت کی اولین ترجیحات میں سے ایک ہے۔حکومت اور کاروباری برادری کے باہمی تعاون کی بدولت ملک اس وقت معاشی استحکام اور بحالی کی راہ پر گامزن ہے۔